Vlahoviç, ëndrra e Juventusit

 Sulmuesi Dusan Vlahovic  me shumë gjasa do të largohet nga Fiorentina në merkaton e ardhshme .

Shkak është bërë interesi  Atletico Madridit, Real Madridit Bayern Munchen dhe Juventusit . ‘’ Zonjës së Vjetër ‘’ i nevojitet urgjentisht ky sulmues që vlerësohet shumë nga Massimiliano Allegri por s’do ta ketë të lehtë sepse ka shumë pengesa për të kapërcyer .

Kjo histori  thekson dy aspekte për ‘’ Vjollcët ‘’. Nga njëra anë është fuqizimi i arkave dhe në tjetrën humbja e një sulmuesi cilësor , influenca e të cilit është tepër e rëndësishme për avancimin e mëtejshëm .  

Fillimi jo i mirë i Scudettos ka gjeneruar shumë mëdyshje tek torinezët të cilat kanë vënë në rrezik qëndrimin e  Massimiliano Allegrit në ‘’ Allianz Stadium ‘’.  Kjo situatë është shumë e çuditshme sepse bardhezinjtë prej vitesh nuk hasin episode të tilla  por si duket riadaptimi i italianit do akoma kohë për të dhënë rezultatet e pritura . 

Prezenca Moratas , Chiesas , Kean ,  Kulusevskit dhe Dybalas nuk ka rezultuar e mjaftueshme në këto javë të para në të cilat Juventusi është tejet i  disavantazhuar nga kryesuesit e Napolit dhe momentalisht është jashtë Europës .

Eshtë e qartë që gjigandëve të Serisë A i duhen lojtarë determinantë në metrat e fundit dhe 21 vjeçari ka treguar se është pjekur dhe mund ta përfaqësojë veten në një  skuadër me emër .

21 gola në 37 ndeshje në sezonin e shkuar  ndiqen nga 10 në 13 sfida në aktualin , statistika që kanë magjepsur Massimiliano Allegrin i cili ka për detyrë ti nxjerrë të tijët nga kjo krizë për të demostruar se nuk është kthyer për të ngrohur stolin në Torino.