Përfaqësuesja e Kosovës është nisur sot drejt Italisë për të zhvilluar ndeshjen e Ligës së Kombeve kundër Moldavisë, por para kësaj është ndalur në Kukës, aty ku ka kryer testet mjekësore për koronavirusin. Siç raportohet në këtë qytet është një laborator i miratuar nga UEFA, ndërsa lajmin për këtë e dha zëvëndës trajneri Muharrem Saiti.
Për mediat kosovare ai është shprehur: “Është një situatë e jashtëzakonshme që asnjëherë nuk janë përballur me të për shkak të kësaj pandemie, por besoj se do t’ja dalim. Ne sot i kemi kryer testet në Kukës rezultatet e të cilave i presim sonte më vonë ose eventualisht nesër në mëngjes para nisjes për Italia. Ekipi duket mirë, atmosfera e mirë dhe them se me Moldavinë jemi më të kompletuar ndërsa me Greqinë do të shohim. Nesër udhëtojmë drejt Italisë dhe atje na bashkohen pjesa tjetër e futbollistëve që vijnë nga Zvicra, Gjermania e Norvegjia.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
