Barcelona ka marrë një shuplakë në orët e fundit. Luis Suarez ka refuzuar katalanasit duke i dhënë prioritet kalimit tek një tjetër ekip i La Ligas.
Drejtuesit e ‘’ Los Cules ‘’ e konsideronin uruguajanin planin B nëse do të dështonin me Robert Lewandowskin por s’kanë mundur të qëllojnë në shenjë në këtë aspekt.
Situata e komplikuar e spanjollëve në aspektin ekonomik nuk i jep mundësi për të bërë blerje të shtrenjta dhe sipas ‘ Estadio Deportivos ‘ janë tre kandidatë potencialë të La Ligas që pretendojnë shërbimet e ‘’ El Pistoleros ‘’.
Sevilla , Real Sociedad dhe Villareali konsiderohen destinacione tejet interesante për 35 vjeçarin i cili kudo të transferohet do të ketë shansin për të treguar veten edhe në Europë.
Andaluzët u renditën ndër katër vendet e para në La Liga duke siguruar pjesëmarrjen në Uefa Champions League.
Tek ‘’ Los Rojiblancos ‘’ rivaliteti për ishi-n e Groningenit do të ishte natyrisht edhe më i ashpër për shkak të pretendimeve sepse në çdo sezon synohet kualifikimi për në kompeticionin më të rëndësishëm europian.
Ndërsa tek Real Sociedadi , Luis Suarez do të provonte veten në Uefa Europa League por problemi i vetëm për ‘’ Txiuriudrinët ‘’ është paga e uruguajanit e cila konsiderohet e majme.
Edhe Villareali mbetet një kandidat serioz për sulmuesin nga Salto . Ish kampionët e Europa Leagues dhe gjysëmfinalistët e Champions Leagues në sezonin e kaluar janë një ekip që meriton respekt maksimal dhe për më tepër ‘’ Nëndetesja e Verdhë ‘’ drejtohet nga Unay Emery , një trainer tejet i suksesshëm i cili i ka impresionuar të gjithë në sezonet e fundit me ekipin nga Castellon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
