Dihet se Luka Modricit nuk i mbeten edhe shumë vite në futbollin e luajtur, arsye e cila i ka përshpejtuar lëvizjet e drejtuesve të Real Madridit për ti gjetur një zëvëndësues.
Kroati është një element shumë i rëndësishëm në mesfushën e ‘’ Galaktikëve ‘’ por çdo fillim e ka edhe një fund.
Florian Wirtz konsiderohet i duhuri për të ardhmen e kryeqytetasve, një referent tek Bayer Leverkuseni.
21 vjeçari është i padiskutueshëm në skemat e Xabi Alonsos, prezenca e të cilit konsiderohet një plus për ecurinë e mëtejshme.
Stili i lojës i cili kombinon kreativitetin, vizionin dhe kapacitetin për ti dhënë zgjidhje situatave të ndryshme e shëndërron në një lojtar tejet cilësor që meriton të transferohet tek një klub i madh.
Mirëpo, drejtuesit e ‘’ Aspirinave ‘’, të ndërgjegjshëm për kontributin dhe vlerat e tij kanë deklaruar se s’do të lejojnë të largohet për më pak se 100 milionë euro nga ‘’ BayArena ‘’.
Të jesh pjesë e Real Madridit sigurisht është një privilegj dhe vlerësim për çdo lojtar dhe mbetet për tu parë se çfarë do të ndodhe me të ardhmen e yllit të Bayer Leverkusenit dhe të Gjermanisë.
Sezoni aktual është i gjashti tek nënkampionët në fuqi të Europa Leagues, ish fitues gjithashtu të Bundesligës, nën drejtimin e Xabi Alonsos.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
