Presidenti i Federatës Shqiptare të Peshëngritjes Theodhor Masllavica ka dhënë dorëheqjen dy ditë para datës së zgjedhjeve. Këtë lajm surprizë e ka njoftuar vetë ai në faqen zyrtare, duke deklaruar se arsyeja ka qenë personale.
“Të Nderuar Miq, Sportistë dhe bashkëpunëtorë. Në cilësinë e Presidentit të Federatës Shqiptare të Peshëngritjes, dua tju njoftoj se për arsye personale jap dorëheqjen nga pozicioni i Presidentit dhe kandidatura ime për pozicionin e Presidentit në zgjedhjet e dt. 14.11.2020. Këtë dorëheqje e jap në mënyrë të parevokueshme. Dëshiroj të falenderoj të gjithë mbështetësit dhe bashkëpunëtorët e mi për të cilët kam një vlerësim maksimal dhe besoj se do tia dalin në çdo arritje sportive. Me Respekt, Theodhor Masllavica”
Me datë 14 nëntor FSHP e peshëngritjes do të zhvillojë asamblenë për zgjedhjen e presidentit të ri. Për momentin e vetme në garë pas dorëheqjes së Masllavicës është Eglantina Çuni, një trajnere e ekipeve të moshave në Elbasan.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
