Asgjë ndërmjet Barcelonës dhe Wijnaldum

 Skuadra e Barcelonës vijon  të mos ketë asnjë limit në lidhje me merkaton .  Orët e fundit ka ridalë në skenë emri i Georginio Wijnaldum i cili mbetet  një ndër lojtarët më të preferuar të Ronald Koeman për riparimin e repartit të mesfushës .

Një dritë në fund të tunelit për kuq e blutë është se kontrata e hollandezit me Liverpoolin përfundon në fundin e sezonit aktual dhe progresi i shumëpritur i ‘’ Blaugranëve ‘’ nuk lë vend për humbjen të as edhe një momenti në lidhje me përforcimet e merkatos .

Megjithatë duke iu referuar këtij  operacioni që në plan të parë konsiderohet si shumë i bujshëm nuk ka munguar as deklarata e gazetarit të njohur italian Fabrizio Romano i cili ka shprehur se  ndërmjet palëve nuk ekziston asnjë paraakord , aspekt që e lë pezull këtë çështje për momentin . 

Sipas të famshmes ‘’ Sport ‘’ e vetmja ofertë ekzistuese për 30 vjeçarin është ajo e ‘’ The Redsave ‘’ që kërkojnë ta mbajnë në  ‘’ Anfield Road ‘’ për tre sezonet e ardhshëm por me të njejtën rrogë, fakt i cili vazhdon të mos e joshë Georginio Wijnaldum. Karakteristikat e lojës së tij mbeten një element që i krijon shpresën bashkombasit Ronald Koeman  për mbarëvajtjen e mesfushës së katalanasve në të ardhmen  sepse aspekti teknik si dhe  ai fizik përputhen në perfeksion dhe i shërbejnë  mesfushës për të kontribuar ashtu siç duhet si në sulm por  edhe në prapavijë . 

 Pavarësisht virtyteve të padiskutueshme që mbart , fakti se kontrata e lojtarit nga Roterdami është drejt përfundimit  nuk i garanton të ashtuquajturve ‘’ Los Cules ‘’ se do ta arrijnë transferimin e Georginio Wijnaldum në ‘’ Camp Nou ‘’ me parametra zero . Potenciali evident në fushën e lojës është kanalizuar në 42 ndeshje të luajtura  dhe 3 gola të shënuar në të cilat ka treguar herë pas here se është një ndër nxënësit me të preferuar të Jurgen Klopp në 11-shet e ndërtuara nga gjermani .