Tottenhami interes për Gabriel Jesus

 Mungesa e minutave e Gabriel Jesus tek Manchester City sigurisht ka prodhuar shumë dyshime për të ardhmen e brazilianit në ‘’ Etihad Stadium ‘’.

Transferimi i Erling Haaland pothuajse ja zeron mundësitë sulmuesit dhe duke qenë se e përfundon kontratën në 2023-shin, për bardhekaltërit do të jetë një shans unik merkatoja e verës për të mos dalë të humbur .

 Momentalisht Arsenali kryeson garën për ishi-n e Palmeiras por orët e fundit kanë rezultuar të vrullshme sepse Tottenham Hotspuri ka menduar ti prishë punë ‘’ Topchinjve ‘’ për 25 vjeçarin .

Jo vetëm për të por edhe çdo lojtar tjetër kjo etapë do të jetë shumë përcaktuese sepse siç dihet Botërori i Katarit është shumë afër dhe nevojitet aktivizimi i pandërprerë pasi është një kompeticion shumë i rëndësishëm i cili zhvillohet një herë në katër vjet. 

Sipas ‘ The Telegraph ‘ , hyrja në lojë e ‘’ Gjelave të Londrës ‘’ i ka turbulluar ujërat sepse figura e Antonio Contes imponon respekt dhe të bën të mendohesh mirë .

Traineri nga Lecce do të mbahet mend gjatë për mposhtjen e dominimit 9 vjeçar të Juventusit në Scudetto dhe është i ngulitur thellë në mendjen e çdo tifozi zikaltër dhe drejtuesve nga Milano. 

Rikthimi në Champions League i ‘’ The Spursave ‘’ sigurisht ka ndryshuar rrjedhën e ngjarjeve dhe mund të bindë objektivat e Antonio Contes për ti thënë po londinezëve .

Këto dy destinacione parashikohet se do të marrin vëmëndjen maksimale nga Gabriel Jesus pa përjashtuar ekipe të tjerë gjatë kohës , i cili tashmë e ka të qartë se tek Manchester City do ta kishte shumë të vështirë sepse me nordikun në majën e sulmit dhe duke ditur aftësitë e tij , me shumë gjasa braziliani do të mbetej në prapavijë .

Pjesëmarrja në Champions League meriton një përgatitje specifike sepse përballë do të jenë më të mirët e Europës por traineri 52 vjeçar është i ndërgjegjshëm për këtë fakt dhe do të kërkojë ti sigurojë të tjera suksese skuadrës së tij.