Borxhet e pashlyera të Interit i kanë përshpejtuar largimet nga ‘’ Giusseppe Meazza ‘’. Italianët kanë vënë në shitje disa nga lojtarët kryesorë të cilëve i është bashkuar Stefan De Vrij . Për hollandezin u interesua Juventusi , por zikaltërit iu kundërpërgjigjën menjëherë torinezëve sepse nuk duan të forcojnë rivalin direkt . Por lista është zgjeruar dhe jashtë Italisë janë tre skuadra që e shikojnë si përforcimin e duhur ishi-n e Lazios . Agjenti Mino Raiola është vënë në lëvizje për ti kërkuar një destinacion 29 vjeçarit dhe sipas Tuttosport , Premier League mbetet liga më e interesuar .
Chelsea , Tottenham Hotspuri , dhe Leicester City kanë nisur bisedimet për qëndërmbrojtësin i cili rezultoi një ndër elementët kyç të Simone Inzaghit për arritjen e bardhekaltërve në Uefa Europa League .
Nëse i referohemi ‘’ Gjelave të Londrës ‘’ traineri Nuno Espirito Santo pas Cuti Romeros e shikon Stefan De Vrij si copëzën e munguar në mbrojtjen e ‘’ The Whites ‘’ . Me Davinson Sanchez drejt largimit nga ‘’ White Hart Lane ‘’, argjentinasi mbetet opsioni ideal i kryeqytetasve sidomos pas suksesit historik me ‘’ Albicelestët ‘’ . Së dyti është Chelsea që kërkon të përmirësohet pasi do ta startojë sezonin e ri me peshën e fitimit të Champions Leagues dhe Thomas Tuchel-it do ti duhen lojtarë cilësorë për suksesin e mëtejshëm .
Duke qenë se pista e Jules Kounde sa vjen e vështirësohet dhe me Kurt Zouma drejt largimit nga ‘’ Stamford Bridge ‘’ , Chelseat i duhet një mbrojtës që ofron garanci dhe Stefan De Vrij e plotëson këtë objektiv pavarësisht se operacioni varet automatikisht nga firmosja ose jo me francezin . I fundit në luftë është Leicester City . ‘’ The Foxes ‘’ mbeten një rival shumë simpatik i Premier Leagues dhe drejtuesit e tyre kërkojnë fuqizimin i prapavijës sidomos pas dëmtimit të Wesley Fofana-s i cili do të mungojë në tre muajt vijues .
Anglezët kërkojnë domosdoshmërisht një lojtar që di të përshtatet në linjën me 3 mbrojtës por vlera e kartonit prej 40 milionë eurosh mbetet një problematikë pavarësisht se tranferimi i tulipanit mund të realizohej nëse do të largohej James Maddison i cili prej kohësh pretendohet nga Arsenal pa përjashtuar Tielemans , Ndidi dhe Barnes. 42 ndeshje ishin finalizimi i një sezoni të shkëlqyer për Stefan De Vrij sepse Interi arriti me meritë pas 9 vitesh luftë të ulë nga froni Juventusin për të shtuar në vitrinë trofeun e 19-të të Scudettos .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
