Fjoart Jonuzi do të vazhdojë të jetë pjesë e Vllaznisë edhe për sezonin e ardhshëm. Klubi ka njoftuar nëpërmjet faqes zyrtare rinovimin me mesfushorin edhe për një sezon tjetër. Paraqitjet e treguara në sezonin e fundit nga 24-vjeçari, kanë bindur drejtuesit e Vllaznisë, që t’i rinovojnë kontratën edhe për sezonin e ardhshëm.
Te Vllaznia ka pasur largime të shumta në këtë merkato, teksa kanë ikur zyrtarisht, Dajan Shehi, Aleksandër Isaevski, Demir Imeri dhe Herald Marku. Në këtë situatë, drejtuesit e kuqebluve kanë nxituar për t’i rinovuar kontartën Jonuzit, për të mos e humbur edhe atë.
“Vllaznia bën të ditur se ka arritur akordin dhe ka firmosur kontratën e re me mesfushorin Fjoart Jonuzi, për të qenë edhe për një sezon tjetër pjesë e jona. Ai do të bashkohet menjëherë me skuadrën në stërvitje, për t'u bërë gati për ndeshjet europiane”, shkruhet në njoftimin e Vllaznisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
