Trajneri italian në Ukrainë: U zgjova nga bombat, nuk mund ta lë skuadrën

Trajneri italian, i Shakhtar Donetsk, Roberto De Zerbi, është një nga personat e shumtë të bllokuar në Ukrainë, për shkak të sulmeve nga Rusia.

Megjithatë ai mori vëmendjen e të gjithëve, pas një deklarate të bërë për mediat italiane. Në fjalët e tij, thuhej se ai u zgjua nga shpërthimet e bombave, ndërsa shtoi se Ambasada i kërkoi të largohej, por ai nuk mund t’i kthente kurrizin skuadrës së tij.

“U zgjova nga shpërthimet e bombave. Ambasada na tha që të largoheshim, por unë nuk mund t’i kthej shpinën klubit tim. Unë jam një njeri i sportit”, tha De Zerbi.

Skuadra e Shakhtar është duke qëndruar në një hotel në Kiev dhe nuk mund të largohen, duke kaluar momente paniku dhe ankthi, pasi shumë prej lojtarëve janë të huaj.