Eni Imami është lojtari më i ri i Vorës. Mbrojtësi u largua nga Flamurtari pak ditë më parë dhe nuk ka humbur kohë për të gjetur skuadrën e re.
31-vjeçari ka ndryshuar ekip, por do të vazhdojë të jetë pjesë e Kategorisë së Parë. Ishte vetë klubi i Vorës, që nëpërmjet një postimi në rrjetet sociale, bëri të ditur afrimin e Imamit.
Imami ka një karrierë të pasur, pasi përveç Flamurtarit, ka luajtur me klube si Dinamo, Laçi, Teuta, Kukësi, Tirana, Skënderbeu apo edhe Vllaznia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
