Gianluigi Buffon, ndonëse në moshën 43-vjeçare, nuk ka ndërmend të tërhiqet nga futbolli i luajtur. Portieri italian aktivizohet me Parmën, skuadër me të cilën u bashkua në verën e këtij viti dhe në një intervistë të dhënë së fundmi, ka treguar arsyet e kësaj zgjedhje.
Gjithashtu Buffon ka zbuluar edhe dëshirën e tij të madhe, e cila është të bëhet trajner i një kombëtareje
“Vazhdoj të luaj akoma sepse ndihem mirë. Ndihem akoma një portier i mirë dhe mendoj se jam akoma i vlefshëm për shokët e skuadrës. Kjo është arsyeja që zgjodha të kthehem te Parma, sepse e dija që do të sillja vlera dhe emocione. Parma ishte zgjedhja më e mirë, për të vazhduar kontributin tim në nivel të lartë.
Të jem trajneri i një skuadre kombëtare më pëlqen më shumë se tekniku i një skuadre. Në çdo vend të botës, ndoshta në Australi”, tha Buffon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
