Gazetari dhe moderatori i sportit, Gerti Çarçani, në edicionin e lajmeve në MCN TV, komentoi buxhetin 750 milionë lekë të shtetit për federatat e sportit. Ai e quajti si një buxhet mediokër, në një kohë kur kryeministri i ka dhënë KOKSH një projekt 5 milionë dollarë.
Në lidhje me kërkesën e federatave për rihapjen e basteve sportive, Çarçani tha se do rikthimi i basteve do të ishte një shpëtim për sportin.
Buxheti 750 milionë lekë, është një buxhet mediokër dhe minmal. Një pjesë e Federatave, janë në situatat ku duhet të përballojnë nga xhepi aktivitetet ndërkombëtare.
Bastet sportive tashmë gëlojnë në të zezë, para që i mungojnë shtetit prej vitesh. Kërkohet hapja e basteve, që buxheti të shkojë në arkat e shtetit.
Kemi të bëjmë me 750 milionë lekë buxhet për federatat, në një kohë kur kryeministri i jep një projekt 5 milionë dollarë KOKSH-it. Riaktivizimi i basteve sportive, do të jetë një shpëtim. Ndihmon shumë, pasi janë federata të pafuqishme, nuk kemi të bëjmë me futbollin.
Të ardhurat nga kompanitë e basteve, i japin një frymëmarrje sportit dhe nuk pret nga buxheti i shtetit. Me hapjen e basteve, në buxhetin e shtetit do të kalojnë shumë para. Me këtë një përqindje do i kalojë shtetit. 1 milionë euro plus do të ishin shumë për këto federata fakire do thoja unë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
