Pas një sezoni tejet pozitiv në rradhët e Atalantës, duket se Mateo Retegui nuk do të jetë pjesë e ekipit në vijuesin.
Për sulmuesin është interesuar Al Qadsiah, ekip i cili militon në ligën e Arabisë Saudite.
Italiani la gjurmë tek ‘’ La Dea ‘’ duke e finalizuar sezonin me 28 gola dhe 9 asiste në 48 sfida dhe u shëndërrua në një ndër më të mirët në 11-shen e Gian Piero Gasperinit.
Oferta e presidentit Bader Al- Reziza i arrin 70 milionë eurot, tejet e konsiderueshme për golashënuesin nga Buenos Aires.
Ky investim do ti sjellë të ardhura të mjaftueshme arkave të bergamaskëve, për ta vënë në dispozicion për mbërritjen e të tjerë lojtarëve në ‘’ Gewiss ‘’.
Tek zikaltërit vihet re fillimi i një etape të re, me Ivan Juric në stol, zëvëndësuesi i Gian Piero Gasperinit, i cili i ndihmoi për tu shëndërruar në një ndër ekipet më të sikletshëm të Italisë në vitet e fundit, fitues i Europa Leagues.
Ishi i Genoas mbetet një element shumë i rrezikshëm, tek i cili vihet re kombinimi i shpejtësisë, teknikës dhe finalizimit, cilësi që i kanë bërë krenarë drejtuesit në të shkuarën.
Në ditët e ardhshme pritet zyrtarizimi i marrëveshjes dhe për Mateo Reteguin do të jetë një sfidë jo e lehtë për arsye se kampionati në Arabinë Saudite po e rrit cilësinë vit pas viti.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
