Kur u mendua se Chelsea mund të ishte një ndër favoritët për transferimin e Jules Kounde në ‘’ Stamford Bridge ‘’, papritur drejtuesit e ‘’ Bluve të Londrës ‘’ e kanë refuzuar kërkesën prej 65 milionë eurosh të Sevillas për mbrojtësin.
Anglezët i mbeten besnikë 55 milionë eurove që ofruan në merkaton e kaluar verore duke shpresuar se Sevilla do ta lehtësonte arritjen e këtij akordi por ‘’ Los Rojiblancos ‘’ janë të vetëdijshëm për nivelin e francezit dhe s’mendojnë të bëjnë hapa prapa .
Ky fakt i jep përparësi Barcelonës për të transferuar anësorin 23 vjeçar në ‘’ Camp Nou ‘’ duke iu referuar edhe deklaratës së ishi-t të Bordeaux i cili pretendon largimin me çdo kusht nga andaluzët në merkaton e verës.
Natyrisht që kërkesa e spanjollëve shpjegohet qartësisht me rëndësinë e Jules Koundes në skemat e Julen Lopeteguit por jo gjithmonë ekipet me një potencial të madh ekonomik i japin dritën jeshile peticionit të klubeve në pronësi të lojtarëve të elitës.
Objektivi i Xavi Hernandezit lidhet me rikthimin e Barcelonës tek titujt, për të përsëritur njëkohësisht eksperiencën si mesfushor , gjatë të cilës fitoi trofe të rëndësishëm edhe me ‘’ La Furia Rojan ‘’ por çdo gjë ka kohën e vet dhe spanjollët s’duhet të nguten gjatë merkatos për të evituar ndonjë gabim që mund të influencojë në mbarëvajtjen e mëtejshme.
Jules Kounde është në një moment ideal për të bërë hapin e ëndërruar por zvarritja e kësaj çështje dhe pozicioni i drejtuesve të Sevillas reflektojnë qartësisht rëndësinë e francezit i cili konsiderohet ndër më të mirët në botë në rolin ku aktivizohet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
