Finalja e madhe e kampionatit “Abissnet Superiore” për sezonin 2024/2025 do të zhvillohet të hënën, më 12 maj, në orën 20:00, në stadiumin “Arena Kombëtare”, ku përballë do të jenë Vllaznia dhe Egnatia.
Në një analizë për “MCN Informacion”, menaxheri i futbollit Uliks Kotrri deklaroi se të katër ekipet që arritën në fazën finale kishin të gjitha meritën për të qenë aty.
Katër ekipet që mbërritën në Final 4 e merituan plotësisht. Ishin ndeshje teke, dhe ndonjëherë, në këtë format, nuk fiton gjithmonë ekipi më i mirë, por ai që menaxhon më mirë momentin.
Formula e këtij sezoni i dha këtyre dy skuadrave, Vllaznisë dhe Egnatias, mundësinë të kalojnë për më tepër që ishin konstantë gjatë gjithë vitit.
Edhe Elbasani, që u afrua në fazat finale, bëri një paraqitje dinjitoze, ndërsa në pjesën e poshtme të tabelës u zhvillua poashtu një betejë e fortë për mbijetesë.
Duke u ndalur te Vllaznia, një prej finalistëve, Kotrri vlerësoi rritjen dhe pjekurinë e skuadrës këtë sezon.
Më duket që këtë vit Vllaznia është më e pjekur.
Nuk dua të flas për cilësinë në krahasim me vitet e kaluara, por ky grup lojtarësh duket më i përqendruar dhe më i aftë për të menaxhuar ndeshje të forta, si ajo ndaj Dinamos.
Fituan atë që donin, dhe kjo, për mua, është shenjë e qartë pjekurie.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
