Klubi i Chelsea tentoi të arrinte një marrëveshje me Antonio Conten për prishjen e kontratës, por trajneri italian ndihet viktimë e një padrejtësie dhe nuk bën prapakthehu në rrugën e tij. “Divorci” mes bluve të Londrës dhe trajnerit nga Salento do të zgjidhet në gjykatë.
Antonio Conte ka vendosur që të mos jetë pjesë e asnjë takimi që i kanë kërkuar avokatët e ish-ekipit të tij për të gjetur një zgjidhje më të butë. Dy janë mënyrat: CAS dhe gjyqi i punës. Conte do të kërkojë 11.3 milion paund nga kontrata e tij plus 8.7 milion për dëmshpërblim, në total një shpërblim që mund të arrijë vlerën e 20 milion paundëve, ose 23 milion euro.
Por, Chelsea nuk do që të bëjë kaq shpenzime dhe i ka kujtuar trajnerit telashet e vjetra me Diego Costa-n, mungesat në konferencat për shtyp të organizuara nga sponsorët, vonesat në konferencat për shtyp si dhe parkimin e gabuar në qendrën sportive të Cobham.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
