Monza siguroi për herë të parë në histori ngjitjen në Serie A. Menjëherë pas kësaj arritje, presidenti i klubit, Silvio Berlusconi, deklaroi se tashmë synimi i skuadrës është titulli dhe kualifikimi në Champions League.
Të shumtë ishin ata, që këtë deklaratë, e morën duke qeshur, duke mos besuar që një skuadër e sapo ngjitur në Serie A, të luftojë për objektiva madhorë.
Megjithatë, duket se Berlusconi e ka seriozisht dhe nuk dëshiron që skuadra që ka në pronësinë e tij të jetë thjesht kalimtare në elitën e futbollit italian.
Sipas raportimeve të fundit, thuhet se ish-presidenti i Milanit, ka vendosur në dispozicion 150 milionë euro, të cilat do të investohen vetëm për merkato. Një shifër shumë e lartë, e cila vështirë se shpenzohet në merkato edhe nga klubet e kreut në Serie A, jo më një klub i sapo ngjitur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
