Paris St Germain ka fituar më shumë besim pas qëndrimit të Kylian Mbappes në ‘’ Parque de Prince ‘’ dhe nuk do të ndalet në merkato .
‘’ Les Pariziens ‘’ kërkojnë ti japin një tjetër shuplakë Real Madridit dhe ta fitojnë garën për Aurelien Tchouamenin .
22 vjeçari preferon të transferohet në ‘’ Santiago Bernabeu ‘’ por Nasser Al Khelaifi kërkon ti tregojë edhe një herë superioritetin Florentino Perezit për yllin e Monacos .
Drejtori sportiv i monegaskëve Paul Mitchell e njeh shumë mirë miliarderin nga Katari dhe natyrisht ka përfituar nga kjo situatë dhe sipas ‘ RMC Sport ‘ mund të kërkojë me shumë se 80 milionë euro , shifra e paramenduar për realizimin e këtij operacioni.
Kampionët në fuqi të Frances s’do të reshtin asnjëherë deri sa ta fitojnë Champions Leaguen sepse me Ligue 1 tashmë janë ngopur dhe e nisin çdo sezon me këtë objektiv.
Kuq e blutë realizuan një merkato të shkëlqyer në të kaluarën duke afruar lojtarë shumë të shquar në kryeqytetin francez por prapëseprapë objektivi kryesor i shpëtoi nga duart.
Deklarata e Aurelien Tchouamenit e përmendur më lart e vështirëson tentativën e parizienëve por duke qenë se mesfusha konsiderohet pika më e dobët e të besuarve të Mauricio Pochettinos , nevoja për tu përforcuar bëhet e domosdoshme në vigjilie të sezonit të ri .
Aurelien Tchouamenin e pret një e ardhme e shkëlqyer duke marrë në konsideratë të tashmen e mrekullueshme në ‘’ Luigjin e Dytë ‘’ por duhet patur kujdes nga ‘’ Galaktikët ‘’ të cilët i favorizon edhe sezoni aktual dhe në rastin e fitimit të Champions Leagues kjo histori mund të pësojë ndryshime.
Vlerat e ishi-t të Bordeaux janë kanalizuar në 50 sfida, 5 gola dhe 2 asiste gjatë sezonit aktual dhe në njëfarë mënyre insistimi , në rastin konkret i Parisit i shton dukshëm .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
