Ish-futbollisti dhe trajneri, Nevil Dede është shprehur se Italia në pjesën e parë ishte mirë, ndërsa në pjesën e dytë Austria bëri surprizën. Në emisionin “Euro Zone” në MCN TV, Dede ka thënë se në shtesë italianët dominuan në shtesë.
“Pjesa e parë për Italinë, në mendimin tim ishte e mirë. Mënyra se si dilte topi në mesfushë sillte probleme. Mungonte një forcë mes linjave. Mungonte Locatelli. Besoj se zëvendësimet u bënë vonë. Nëse e analizojmë ndeshjen, ishte e barabartë me aksione. Pjesa e parë me të dytën kishin ndryshime të mëdha. Austria e bëri surprizën në pjesën e dytë jo në të parën. Italia nuk e priste atë reagim të austriakëve. Për fat të mirë VAR-i ndihmoi dy herë Italinë. Ranë pak nga ana psikologjike. Në shtesë ata e dominuan ndeshjen totalisht. Dy mbrojtësit e qendrës të Italisë nuk i kanë cilësitë për kundërshtarë të vështirë.”, tha Dede.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
