Federata e Futbollit të Panamasë (Fepafut) ka njoftuar se presidenti i saj Manuel Arias është pezulluar për gjashtë muaj nga FIFA “për përdorim të papërshtatshëm të gjuhës”, pasi quajti “të trashë” yllin e kombëtares së femrave, Marta Cox.
Arias i kishte bërë komentet e tij për mesfushoren, një nga lojtaret më të rëndësishme të Panamasë, duke e cilësuar atë si “jashtë formës” dhe të shëndoshë pasi ajo shprehu shqetësimin në fillim të 2024 për mungesën e mbështetjes për futbollin e femrave në vendin e Amerikës Qendrore.
Pasi u bë i ditur sanksioni, siç raportohet nga gazeta La Estrella de Panama, Arias lëshoi një deklaratë në të cilën tha: “Përtej faljeve që bëra personalisht dhe publikisht, si më 2 mars në rrjetet sociale ashtu edhe më 7 mars në një deklaratë, nuk është keq të sqaroj edhe një herë se jam i vetëdijshëm për gabimin e rëndë të bërë, se duhet të pranojmë pasojat e veprimeve tona dhe se pranoj edhe sanksionin e marrë nga Komiteti i Etikës i FIFA-s”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
