Dëshira e madhe për tu rikthyer me shpejtësi tek suksesi e ka bërë Liverpoolin të përshpejtojë aksionet në lidhje me qëndrimin e lojtarëve më të rëndësishëm.
Ndër ta është Sadio Mane të cilit i mbeten edhe dy vite kontratë dhe sipas '' The Sun '' ‘’ The Redsat ‘’ kërkojnë të evitojnë largimin e senegalezit nga i famshmi ‘’ Anfield Road ‘’. Anglezët po përgatisin kontratën e re për 29 vjeçarin që ka formuar një dyshe ëndërrash me Mohamed Salah dhe Firmino .
Fakti se kanë filluar bisedimet në lidhje me rinovimin e kontratës perceptohet si evitimi i ndonjë surprize të mundshme gjatë rrugës për faktin se për shërbimet e Safio Mane-s luftojnë disa pretendentë të njohur dhe nëse kjo gjë do të ndodhte do të konsiderohej një autogol për Liverpoolin sepse do të fuqizonte kundërshtarët e mundshëm sidomos në Uefa Champions League , kompeticion të cilin Jurgen Klopp ëndërron ta fitojë përsëri .
Duhet kujtuar se Sadio Mane u transferua nga Southampton tek gjigandët e Premier Leagues në merkaton verore të 2016-tës kundrejt 42 milionë eurove dhe aktualisht vlera e kartonit të tij kap 85 milionë eurot .
Qartësisht niveli i tij i imponon drejtuesve të Liverpoolit këmbnguljen për rinovimin e kontratës me një lojtar që jep garanci për të ardhmen . Sezonin e ri Sadio Mane e ka filluar me këmbën e mbarë dhe në 4 ndeshjet e para ka gjetur 2 herë rrugën e rrjetës duke i dhënë të drejtë ish teknikut të Borussia Dortmundit për kërkesën e tij .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
