Manchester United është duke përjetuar një situatë të pakëndshme në këtë fillim sezoni . Drejtuesit e ‘’ Djajve të Kuq ‘’ e kanë marrë shumë seriozisht rinovimin e kontratës me Paul Pogba i cili vijon ta stërzgjasë këtë çështje . Nga ky hap i dështuar i 20 herë kampionëve të Premier Leagues mendon të përfitojë Real Madridi i cili prej shumë vitesh ëndërron transferimin e 28 vjeçarit në ‘’ Santiago Bernabeu ‘’.
Të mërzitur nga refuzimet e yllit të mesfushës , drejtuesit e Manchester United kanë deklaruar se nëse kjo çështje nuk do të zgjidhet së shpejti do ta vendosin në shitje Paul Pogban.
Sipas Espn interesit të ‘’ Galaktikëve ‘’ i është bashkuar edhe Paris St Germain dhe Juventus që kërkon ta rikthejë në Torino këtë lojtar i cili ishte pjesë e sukseseve të kaluara të ‘’ Zonjës së Vjetër ‘’. Megjithatë problemi më i madh për Real Madridin në këtë rast është agjenti i Paul Pogbas Mino Raiola pretendimet e të cilit gjithmonë kanë rezultuar shumë të larta , fakt që mund ta vërë në vështirësi presidentin Florentino Perez .
E kaluara e suksesshme e favorizon manjatin spanjoll sepse e ka pasuruar organikën e ‘’ Los Blancos ‘’ me lojtarët më të famshëm por duke qenë se pandemia e koronavirusit ka ndikuar shumë në ekonomitë e klubeve , për gjigandët e kontinentit të vjetër vështirësohet rruga drejt arritjes së objektivave . Duhet
shtuar se kontrata e Paul Pogbas me Manchester United do të marrë fund në përfundimin e sezonit , aspekt që natyrisht i përshpejton lëvizjet e spanjollëve në funksion të një vendimi që i favorizon të dyja palët .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
