Klubi i Prishtinës, ka vendosur t’i besojë drejtimin e skuadrës, trajnerit Ismet Munishi.
Ky i fundit do të ulet për herë të parë në stolin e bardhebluve, pasi akordi mes palëve është arritur dhe tashmë pritet vetëm zyrtarizimi.
47-vjeçari e njeh mirë kampionatin kosovar, pasi në të kaluarën ka drejtuar skuadra si Drita, Vëllaznimi, Ballkani dhe në sezonin e fundit Gjilanit.
Për Prishtinën, sezoni i fundit ishte tepër i dobët duke rrezikuar edhe qëndrimin në elitë, ndërkohë që Munishi do të kërkojë ta rikthejë në majat më të larta të futbollit kosovar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
