Fitorja ndaj Egnatias, Osmani: Synojmë titullin, por është ende herët. Jemi më luftarakë

Trajneri i Vllaznisë, Qatip Osmani, foli për MCN TV, pas fitores me Egnatian.

Osmani deklaroi se ky rezultat, është dhuratë e mirë për të gjithë, apo edhe për 105 vjetorin e klubit.

I pyetur për titullin, Osmani tha se është ende herët, por shtoi se në fund, trofeu do të jetë synimi.

Fitorja, një dhuratë e mirë për të gjithë ne dhe për 105 vjetorin e klubit. Sa i përket lojës, ishte një Vllazni luftarake dhe kjo mendoj se na i fitoi lojën.

Ndoshta është ende herët për të folur për titullin kampion. Një fitore ndaj Egnatias, është shumë e vlefshme për ecurinë e kampionatit për Vllazninë. Ende nuk e kemi siguruar katërshen, por jemi afër.

Objektivi janë katër vendet e para, por sigurisht që do e synojmë edhe titullin kampion. Gjithçka është e mundur, sepse janë dy ndeshje në fund. Në “Final Four”, janë ekipet më të mira. Është futboll dhe realitet në fushë. Gjithçka është e mundur.

Ndoshta tani jemi më luftarakë dhe agresivë. Në momente të caktuara dimë ta ruajmë edhe rezultatin. Kemi shfrytëzuar edhe lojtarët e shpejtë. Shkurtimisht, tani e dimë çfarë duam. Për ecurinë e kohëve të fundit, meritat më të mëdha janë të lojtarëve. Jemi munduar t’i fusim në vendet ku japin më mirë.