Gennaro Gattuso mund të largohet nga drejtimi i Fiorentinës, ende pa bërë një muaj si trajner i tyre. Shumica e lojtarëve janë të përqendruar te kombëtaret e tyre, ndërkohë që drejtuesit punojnë për afrimet që do të bëjnë në skuadër.
Pikërisht lëvizjet në skuadër, janë bërë “mollë sherri”, diçka që mund të sjellë edhe largimin e trajnerit. Para se të pranonte të merrte drejtimin e Fiorentinës, Gattuso i kërkoi garanci drejtuesve, për afrimet në merkato.
Dy kërkesat e para të trajnerit, kanë qenë Nico Gonzalez dhe Sergio Oliveira, lojtarë në pronësinë e agjentit portugez, Jorge Mendes, i cili njëkohësisht është edhe agjent i Gattusos.
Afrimi i dy lojtarëve është kundërshtuar nga menaxheri i skuadrës vjollcë Giancarlo Antognoni, i cili e quan si konflikt interesi marrjen e dy lojtarëve. Sipas mediave italiane, këto mospërputhje mes palëve mund të sjellin edhe largimin e trajnerit para kohe.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
