Pas disa viteve e ardhmja e Mauricio Pochettinos mund të jetë përsëri në Premier League.
Argjentinasi aktualisht është pa ekip, emri i të cilit është lidhur me Tottenham Hotspurin në kohët e fundit.
Numri një i stolit i dërgoi ‘’ Gjelat e Londrës ‘’ në finalen e Champions Leagues në 2019-tën, fatkeqësisht të humbur kundër Liverpoolit.
53 vjeçari spikat për stilin ofensiv dhe për hapësirat që i jep talentëve, të cilët ia shpërblyen besimin në të shkuarën.
Marrëdhëniet e shkëlqyera me drejtuesit e londinezëve, kryesisht me presidentin Daniel Levy natyrisht janë një avantazh për Mauricio Pochettinon, i cili mund të provojë përsëri emocionet e të drejtuarit në Premier League.
Sigurisht muajt vijues do të jenë përcaktues për trainerin e lindur në Murphy të Santa Fe, i cili e njeh rrugën drejt suksesit sepse ka fituar Superkupën e Francës, Kupën dhe Ligue 1 me Paris St Germain.
Vlen për tu përmendur se situata e Tottenham Hotspurit është kritike për momentin në kampionat sepse renditet në vendin e 14-të, ndërsa referuar Europës vijon të përfaqësohet denjësisht në Europa League, kompeticion në të cilin do të përballet në dy çerekfinale kundër Eintracht Frankfurtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
