Ish-trajneri i Barcelonës, Quique Setien, është shprehur se ishte shumë e vështirë të punoje me skuadrën katalanase. Tekniku i cili u shkarkua nga drejtimi i Barcelonës pas humbjes turpëruese ndaj Bayern Munich 8-2, ka thënë se objektivi i skuadrës atë sezon ishte të fitonin titullin kampion, por sipas tij 6 penalltitë e dhëna në favor të Real Madrid në fund të sezonit, e thelluan diferencën e skuadrave në renditje.
“Ishte shumë e vështirë të punoje te Barcelona. Katalanasit kishin shumë probleme dhe nuk e kisha të lehtë të menaxhoja grupin. Sigurisht që puna jonë ishte e mirë dhe arritëm të krijonim një bazë, por nuk e fituam dot titullin kampion.
Objektivi ishte të triumfonim në La Liga, por nuk duhet të harrojmë që Reali i Madridit mori 6 penallti dhe nuk mund ta kapnim dot më. Por, tani është pjesë e së shkuarës dhe duhet të shoh përpara. Jam gati që të nis një tjetër aventurë për të punuar dhe për të arritur objektiva të tjerë personalë”, u shpreh Setien.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
