Dybala vendoset në merkato

Orët  e fundit tek Juventusi kanë rezultuar shumë përcaktuese për një ndër yjet e bardhezinvje . 

Më në fund torinezët kanë vënë në merkato Paulo Dybalan lëvizje të cilën e ka faktuar zëvëndëspresidenti  Pavel Nedved.

Një hap të tillë çeku e ka bërë në përputhje të plotë me eksperiencën e ndërlikuar që është duke hasur  argjentinasi me ‘’ Zonjën e Vjetër ‘’ gjatë sezonit aktual  pa lënë në harresë situatën e kampionëve në fuqi të Serisë A që mbeten shume larg periudhës së dominimit total sidomos në kampionat .

Në lidhje me këtë situatë ish mesfushori i mirënjohur ka deklaruar kështu :

“  Prezenca e Dybalas tek Juventusi na ka ndihmuar shumë sepse është një golashënues i lindur . Kontrata e tij merr fund pas një viti  por me kalimin e kohës do ta rivlerësojmë këtë situatë për ti dhënë zgjidhjen e merituar “ , përfundoi Pavel Nedved për prestigjozen italiane ‘’  Il Corriere Dello Sport ‘’.

Një pikë referuese e kësaj historie është se për të ashtuquajturin ‘’ La Joya ‘’ me siguri nuk do të bëhen oferta marramendëse si ajo e Barcelonës  në 2017-tën që arriti deri në 170 milionë euro.

Arsyeja është fare e thjeshtë për tu kuptuar . Pandemia e koronavirusit ka shkaktuar dëme galopante në arkat e skuadrave me emër në arenën europiane ,  fakt që automatikisht ia redukton shanset për tu hedhur në sulm për firmosjen me lojtarë të kalibrit botëror.

Duke iu referuar këtij rasti ofertat e vetme që kanë mbërritur në adresë të 36 herë kampionëve të Serisë A janë ato të Chelseat dhe Tottenhamit që nuk i kalojnë 45 milionë eurot.

Megjithatë ky aspekt edhe pse fuqizohet  me kalimin e kohës  Juventusi është vënë në ndjekje të dy elementëve  shumë të njohur të kontinentit të vjeter siç janë Antoine Griezmann dhe Mauro Icardi ,  tratativa që do të varen  nga ecuria e negociatave gjatë merkatos verore . 

Sezoni për 27 vjeçarin nga Laguna Larga vazhdon të mbetet shumë i luhatur sepse  ka shënuar vetëm 3 herë në 15 ndeshje ,aspekt që i jep shumë të drejtë drejtuesve të Juventusit për një vendimarrje të tillë .