Trajneri Julian Ahmataj, ka analizuar ndeshjen mes Kukësit dhe Dinamos, e cila u fitua minimalisht nga kryeqytetasit. Në emisionin “Skaner” në MCN TV, Ahmataj u shpreh se pauza e kampionatit ka ndikuar negativisht te Kukësi, pasi ka ulur ritmin e verilindorëve.
Sipas Ahmatajt, Dinamo besoi deri në fund te fitorja, por përsëri kishin probleme në mbrojtje.
“Ne pamë një ritëm të ulët të Kukësit dhe pauza e kampionatit ka ndikuar negativisht te verilindorët. Dinamo në radhë të parë po luante pa sulmues të mirëfilltë dhe me 6 mesfushorë. Lilaj me ardhjen e tij, ka sjellë në ekuilibër dy lojtarët e tjerë dhe kjo e ka bërë skuadrën më të fortë.
Dinamo besoi në rezultat dhe e meritoi fitoren. Meritoi që të mos e humbiste ndeshjen. Megjithatë problemet janë aty. Mbrojtja e Dinamos çedoi sërish. Pamë disa elemente që tregojnë se kanë probleme në mbrojtje.”, deklaroi Ahmataj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
