Pesimizmi në ‘’ Old Trafford ‘’ vijon të fitojë terren , sidomos pas disfatës në ndeshjen e parë të kampionatit kundër Brightonit e humbur me shifrat 2-1.
Pavarësisht se koha është shumë e shkurtër , Erik Ten Hag-ut i duhet ende kohë për tu adaptuar tek Manchester United , ekip që i ka të gjitha shanset për të avancuar .
Anglezët akoma nuk kanë mundur të gjejnë gjuhën e përbashkët me Barcelonën për transferimin e Frenkie de Jong dhe e konsiderojnë një minus humbjen e kohës , arsye e cila i ka orientuar drejt të tjerë objektivave.
Sipas ‘ The Athletic ‘ 20 herë fituesit e Premier Leagues ia kanë shkelur syrin Adrien Rabiot, lojtar që mban mbi supe një eksperiencë të konsiderueshme me Parisin, ekip të cilin e përfaqësoi në 227 sfida dhe me Juventusin ku numëron 129 të tilla ndërsa me Francën 29.
As sulmi nuk ka mbetur prapa , pozicion për të cilin në ‘’ Pallatin e Endërrave ‘’ po qarkullon emri i Marko Arnautovic.
Austriaku u aktivizua tek Bologna në sezonin e kaluar duke kontribuar me 14 gola dhe Erik Ten Hag e njeh mirë të shkuarën e 33 vjeçarit sepse ishin pjesë e Twentes në Eredivisie.
Sipas ‘ The Athletic ‘ operacioni mund të përfundojë për shifrën e 8 milionë eurove dhe do të ishte një hap shumë i suksesshëm i shtatlartit të ofensivës sepse ti bashkohesh Manchester United është një arritje shumë e madhe për çdo lojtar.
Të besuarit e Erik Ten Hag do të performojnë në Europa League gjatë sezonit vijues , kompeticion që po fiton shumë pikë gjatë viteve të fundit por sigurisht i preferuari i ‘’ The Red Devilsave ‘’ mbetet Uefa Champions League.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
