Sulmuesi i Napolit, Victor Osimhen pësoi një dëmtim të rëndë në sfidën e fundjavës ndaj Interit, nga i cili do të qëndrojë jashtë fushave të blerta për të paktën 3 muaj.
Lojtari pësoi disa fraktura në fytyrë dhe iu nënshtrua një operacioni shumë të vështirë. Së fundmi ka qenë kirurgu, Gianpaolo Tartaro, i cili ka zbuluar vështirësitë e mëdha, gjatë operacionit të Osimhen, duke thënë se syri i doli nga orbita dhe bënë 3 prerje në fytyrë.
“Dëmtimi i tij nuk ishte një frakturë e thjeshtë, pasi ka përfshirë disa kocka të fytyrës. Nuk ishte një traumë nga përplasja, por nga shtypja, u krijua një dëm shkatërrimtar nga forca kinetike e përplasjes. Për të rindërtuar pjesën e thyer më është dashur të vendos 6 pllaka dhe 18 vidha. Është ende herët për të folur për rikuperimin, pasi ndërhyrja ishte e vështirë, gjendja e fytyrës së lojtarit ishte shumë e keqe, por ju garantoj që gjithçka ka përfunduar me sukses.
Kocka ishte thyer në shumë pjesë. Mund të kishte rreth 20 fraktura të ndryshme. Kemi kryer tre orë e gjysmë ndërhyrje. Na është dashur të bëjmë tre prerje në pjesë të ndryshme të fytyrës. Ndaj për fat të keq, 90 ditët që flitet si pushim i detyruar, janë mëse reale. Të shohim se si përgjigjet orbita e syrit dhe nervi. Syri ka dalë nga orbita, ndaj duhet të kemi shumë kujdes. Si tifoz, do të dëshiroja ta shihja në fushë, por duhet të presim kohën e duhur”, tha kirurgu italian, Gianpaolo Tartaro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
