Trajneri i ri i Paris Saint Germain, Thomas Tuchel, e ka marrë me mjaft entuzizëm aventurën e tij në kryeqytetin francez, ku ka vizituar ambientet stërvitore të klubit parizien dhe ka filluar që tani të japë udhëzime për mënyrën se si kërkon që grupi i tij i punës të punojë.
Sipas medias franceze "Le Parisien", Tuchel ka piketuar edhe lojtarët që nuk bëjnë pjesë në planet e tij. I pari në listën e shumtë të lojtarëve është braziliani Dani Alves. 35-vjeçari u transferua verën e shkuar në Paris, por duket se e ardhmja e tij do të jetë larg Parisit. Një tjetër futbollist që është jashtë preferencave të trajnerit gjerman është Lyvin Kurzawa.
Futbollisti i kombëtares franceze ka zbritur në fushë si titullar në 20 takime nën drejtimin e Emery, por për Tuchel nuk është një futbollist i domosdoshëm. Emrat që plotësojnë "listën e zezë" janë Thomas Meunier dhe Yuri Berchiche.
Ajo që bie në sy është fakti që të 4 lojtarët janë pjesë e repartit të mbrojtjes, pra duket qartë që në analizën e Thomas Tuchel, mbrojtja ka qenë pika më e dobët e PSG-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
