Niveli i shkëlqyer i Jean Clair Todibos prej dy sezonesh tek Nice e ka shëndërruar në një lojtar të preferuar për disa klube të njohura. Sipas ‘ RMC Sport ‘, pas Napolit Paris St Germain, Newcastle , West Hamit dhe Aston Villas edhe Juventusi i është bashkuar garës për të përfituar shërbimet e mbrojtësit. Megjithatë momentalisht ndihet shumë mirë tek Nice, skuadër me të cilën kontrata i përfundon në 2027-tën dhe vlera e këtij operacioni mund ti arrijë 50 milionë eurot. Ndërkohë , drejtuesit e Barcelonës shpresojnë në shitjen e 23 vjeçarit pasi do të përfitonin 20 përqind të vlerës , çka do të thotë se në arkat e ‘’ Blaugranëve ‘’ do të kalonin 8-10 milionë euro , shifër e cila do ti shërbente në njëfarë mënyre, sidomos nëse merret parasysh situata delikate në aspektin ekonomik. Në sezonin e kaluar Jean Clair Todibo rezultoi një ndër mbrojtësit më të spikatur në Ligue 1, i cili për më tepër ka arritur ta ndalë në disa raste Kylian Mbappen në sfidat kundër Paris St Germain.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
