Pak javë kanë mbetur për përfundimin e kontratës së Zlatan Ibrahimovic me Milanin dhe sipas gjasave qëllimi i sulmuesit nuk është zgjatja e kontratës.
Ky fakt i ka mjaftuar modestëve të Monzës për të nisur ofensivën për suedezin, i cili në kohët e fundit ka pësuar disa demtime duke e vënë në rrezik vijimin e karrierës.
Qëndrimi në elitën e futbollit italian i ka vënë në lëvizje drejtuesit e italianëve, të cilët do të synojnë diçka më tepër në sezonin e ri dhe presidenti Silvio Berlusconi tashmë ia ka hapur derën për të filluar një tjetër eksperiecë në karrierë.
Duke iu referuar moshës , për 41 vjeçarin ndoshta do të jetë e fundit në një ndër kampionatet ku ka fituar shumë trofe , pa harruar se gjatë gjithë rrugëtimit ka provuar veten në ekipe si Ajaxi , Juventusi , Barcelona , Interi , Paris St Germain, Manchester United dhe Los Angeles Galaxy .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
