Pavarësisht se koha kalon pa e kuptuar, shumë ekipe të njohura i kthehen objektivave të vjetër.
Barcelona e Hansi Flick është në një proçes rindërtimi, me qëllimin e shtimit të titujve në vitrinën e tejmbushur në të ardhmen e afërt.
Gjermani po analizon me detaje merkaton e verës dhe në listën e tij janë disa komponentë të cilët u pretenduan edhe në të shkuarën.
Xavi Simons është një prej tyre, i cili ka lënë gjurmë tek Leipzigu, i rritur në akademinë e ‘’ La Masias ‘’.
Mospjesëmarrja e gjermanëve në kompeticionet europiane si duket nuk e ka bindur hollandezin për të qëndruar në ‘’ Red Bull Arena ‘’ dhe tashmë dyert e ‘’ Camp Nout ‘’ janë rihapur për të.
Megjithatë, pretendimi i drejtuesve është tejet i lartë në sajë të kontributit të dhënë nga ishi i Psv Eindhovenit, i cili nuk mund të përballohet nga xhepat e presidentit Joan Laporta.
Kjo situatë të bën të mendosh se e ardhmja 22 vjeçarit mund të jetë në Premier League, kampionat në të cilin asnjëherë nuk i kanë munguar pretendentët.
Cilësitë e Xavi Simons janë të padiskutueshme dhe ky kampionat mund të jetë një sfidë e re, sigurisht pa harruar se është një ndër pesë më prestigjozët e Europës.
Gjatë dy sezoneve tek Leipzigu nxënësi i Ole Werner ka kontribuar me 21 gola dhe 21 asiste në 76 sfida, të cilat kanë rezultuar përcaktuese dhe njëkohësisht ja kanë rritur vlerat.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
