Portieri i Juventusit, Wojciech Szczesny, është rikthyer të flasë për episodin ndaj Sporting Lisbona, më 13 prill, në sfidën e Europa League. Polaku ndjeu shtrëngime në gjoks dhe u detyrua të braktiste sfidën në mes, duke u larguar me ndihmën e mjekëve. Në një intervistë të dhënë për “Foot Truck”, Szczesny tregoi edhe momentet e tmerrit të përjetuara në ato momente. “Ishte e frikshme. Unë mendova se do të vdisja. Pasi i kalova topin mbrojtësit, ndjeva se zemra ime ishte gati të shpërthente, gjatë një goditje këndi i thashë Milik se nuk po ndihesha mirë. Dhimbja e gjoksit ishte e tmerrshme, sot e kësaj dite nuk e dimë ende se cila ishte arsyeja.”, deklaroi portieri polak.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
