U luajtën ditën e sotme, tre ndeshjet e fundit për javën e 11-të në Abissnet Superiore.
Pas ndeshjeve të sotme, ka pasur edhe ndryshime të shumta në renditje. Tirana ka marrë vendin e parë me 21 pikë. Bardheblutë kanë përfituar nga humbja e Partizanit dhe kanë mposhtur minimalisht Egnatian.
Të kuqtë zbresin në vendin e dytë me 19 pikë, 1 më shumë se Vllaznia e vendit të tretë dhe 2 më shumë se Erzeni i vendit të katërt. Në vendin e pestë renditet Egnatia me 15 pikë.
Vazhdon të ngjitet Laçi, që mban vendin e 6-të me 14 pikë, po aq sa edhe Kastrioti.
Vendi i tetë i takon Bylisit, që ndodhet në kuotën e 12 pikëve, 1 më shumë se Kukësi që mban vendin e parafundit.
Renditja mbyllet nga Teuta, me durrsakët që ndodhen në kuotën e 8 pikëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
