Trajneri Stavri Nica, nuk ka humbur kohë për të gjetur skuadrën e re, pasi u largua nga Kukësi javën e kaluar.
Tekniku 69-vjeçar, është emëruar në drejtimin e skuadrës së Shkumbinit, që militon në Kategorinë e Dytë.
Shkumbini mban vendin e katërt në renditjen e grupit B të Kategorisë së Dytë, me 19 pikë të marra në 10 javët e fazës së parë, 7 pikë pas Pogradecit të vendit të parë, që ngjitet automatikisht në Kategorinë e Parë sezonin e ardhshëm.
Peqinasit do të kërkojnë ngjitjen nëpërmjet “play off”, me synimin e qartë, që sezonin e ardhshëm të jenë pjesë e Kategorisë së Parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
