Prej disa merkatosh emri i Frenkie de Jong nuk ka munguar në listën e drejtuesve të Manchester United.
Edhe në atë të verës nuk do të bëhet përjashtim, duke qenë se rendimenti i mesfushorit ka ardhur në rritje.
Hollandezi e ka bërë krenar trainerin Hansi Flick duke ia shpërblyer besimin e dhënë dhe tashmë pretendohet përsëri nga një ndër klubet më të pasur të botës.
Pavarësisht problemeve të theksuara të Barcelonës në aspektin ekonomik, presidenti Joan Laporta e ka bërë të qartë se 27 vjeçari nuk është në shitje.
Ndërkohë, tek 20 herë kampionët e Premier Leagues besohet se historia mund të ndryshojë, ashtu siç ka ndodhur shpeshherë gjatë periudhës së transferimeve.
Vizioni për lojën është një aspekt që e lartëson figurën e ishi-t të Ajax Amsterdamit, produkt i një ndër akademive më të rëndësishme në futboll.
Frenkie de Jong e ka bërë me dije se ndihet shumë i lumtur në ‘’ Camp Nou ‘’ por gjithsesi britanikët do të insistojnë për ta transferuar në ‘’ Old Trafford ‘’.
Momentalisht nuk ekziston një ofertë për shërbimet e tij por besohet se s’do të vonojë nga presidentët Joel dhe Avram Glazer.
Janë bërë gjashtë sezone për yllin e kombëtares së ‘’ Tulipanëve ‘’ në rradhët e ‘’ Los Cules ‘’, fakt domethënës ky dhe një sinjal për pretendentët.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
