Arsenali ka marrë një tjetër shuplakë në këtë sezon . Objektivi Eduardo Camavinga i ka dhënë një përgjigje negative ‘’ The Gunnersave ‘’ duke ia shuar krejtësisht shpresat në lidhje me revolucionin e menduar . Ylli i Rennes i ka ngjitur ashtu siç duhet shkallët drejt majës sepse me vetëm 18 vite mbi supe ka impresionuar në Ligue 1 edhe pse Rennes është konsideruar historikisht si një skuadër e dorës së dytë . Koha për të është mëse perfekte sepse të mëdhatë e Europës kanë nisur sulmin për këtë talent të rrallë .
Paris St Germain , Bayern Munchen dhe Real Madridi vazhdojnë të luftojnë dhëmbë për dhëmbë për shërbimet e tij . Eduardo Camavingas i mbetet edhe një ndeshje që do të jetë determinante për Rennes në lidhje me pjesëmarrjen në Europë por ky vendim është një aspiratë për aktivizimin në një ekip me histori më të suksesshme që do të mund ti krijojë terrenin e përshtatshëm për tu rritur si në nivelin individual ashtu edhe në atë kolektiv . Refuzimi i ‘’ The Gunnersave ‘’ është një pikë e fituar nga Parisi , Bayerni dhe Reali sepse kanë eleminuar një kundërshtar potent për mesfushorin e lindur në Angola .
Në lidhje me merkaton e verës nuk ka asnjë dyshim se nëse konfirmohet largimi nga Rennes do të theksojë një ndër lëvizjet më bombastike të saj. Shpejtësia dhe driblimet janë dy nga karakteristikat më të vyera të numrit 10 të Rennes të cilat ka ditur ti ndërthurë shumë mirë gjatë 37 sfidave të deritanishme .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
