Roma në garë për Mudryk

Kandidatëve për talentin e Shakhtar Donetsk Mudryk në orët e fundit i është bashkuar Roma .

‘’ Verdhekuqtë ‘’ e Jose Mourinhos janë çliruar pas fitores së një kompeticioni europian si Conference League dhe po luftojnë për të qëndruar në të njëjtën linjë edhe në vijimësi.

30 milionët e ofruara nga Arsenali kanë marrë një përgjigje negative nga drejtuesit e ukrahinasve , pasi për 21 vjeçarin pretendojnë të arkëtojnë 50 milionë euro.

Duke qenë se është një lojtar shumë cilësor pritej që me kalimin e kohës interesi të shtohej dhe pikërisht ai i italianëve e konfirmon rëndësinë e Mykhaylo Mudryk.

Në 10 sfidat e deritanishme nxënësi i Igor  Jovicevic ka kontribuar me 5 gola dhe 7 asiste dhe ky fakt i ka shërbyer për të hedhur hapa të sigurtë drejt një të ardhmeje të ndritur e cila sigurisht do të na dhurojë një sfidë të ashpër gjatë merkatos për talentin e Shakhtar Dontesk.

Një tjetër aspekt shumë i rëndësishëm në këtë histori është vlerësimi nga ‘’ The Special One ‘’, i cili ia rrit automatikisht vlerat Mykhaylo Mudryk , trainer me shumë eksperiencë dhe një nga më të mirët në botë.