Ashtu siç parashikohej Arsenali dhe Evertoni nuk do të ishin të vetmit në garë për Mijailo Mudryk .
Mesfushori i Shakhtar Donetsk po kalon një moment të mrekullueshëm në karrierë dhe në orët e fundit Real Madridi ka shfaqur interes.
Sipas ‘ Defensa Central ‘ ‘’ Galaktikët ‘’ e kanë marrë seriozisht këtë çështje, duke e kthyer paksa kokën prapa , pikërisht në sezonin e shkuar të Champions Leagues pasi u përballën në fazën e grupeve me Shakhtar Donetsk .
Adaptimi në disa pozicione është një ndër pikat më të forta të Mijailo Mudryk dhe kur bëhet fjalë për spanjollët , çdo ekip sigurisht ndjehet i kërcënuar për arsye të potencialit të manjatit Florentino Perez pa anshkaluar aktualitetin e ‘’ Los Merengues ‘’.
395 minuta të ndara në 5 sfida kanë rezultuar të mjaftueshme për të afruar pretendentë shumë cilësorë por me këtë ritëm s’përjashtohet hyrja në garë e të tjerëve me kalimin e kohës.
Real Madridi dominon bindshëm në Primera Division dhe në Champions League është ekipi për tu mundur në këtë sezon por për çdo kundërshtar do të jetë shumë e vështirë ti thyejë kryeqytetasit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
