Barcelona ka hedhur një hap të suksesshëm në lidhje me të ardhmen . Katalanasit kanë shtrënguar duart për huazimin 1 vjeçar të sulmuesit Francisco Trincao tek Wolves me opsionin e blerjes jo të detyrueshme. Zgjedhja e kësaj rruge është bërë me qëllimin e analizës së detajuar të eksperiencës së 21 vjeçarit në një kampionat me një koeficent të lartë vështirësie si Premier League . Pas huazimeve të Todibo tek Nice dhe Konrad tek Marseille ‘’ Blaugranët ‘’ i japin shansin një tjetër elementi për ti ngjitur ashtu siç duhet shkallët e progresit .
Aktualisht objektivi kryesor i ‘’ Los Cules ‘’ është reduktimi i pagave të lojtarëve për të konfrontuar siç duhet të ardhmen dhe shenjat e deritanishme flasin për një progres të dukshëm të Barcelonës .
Rikthimi i Joan Laportas në krye të presidencës ka evidentuar fillimin e një ndryshimi total të ‘’ Blaugranëve ‘’ të cilët ëndërrojnë përsëritjen e të kaluarës . Mungesa e protagonizmit në taktikat e Ronald Koeman s’mund ti krijonin tjetër mundësi Francisco Trincaos veçse kërkimit të një tjetër destinacioni dhe tek Wolves do ti duhet të tregojë aftësitë që e karakterizojnë .
Ekperienca me gjigandët e La Ligas u mbyll me 42 ndeshje dhe 3 gola , statistika të pamjaftueshme për të vijuar në gjirin e tyre .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
