Fitimi i Scudettos në sezonin e kaluar nuk i ka zgjatur shumë Interit sepse në të sapopërfunduarin ia la stafetën rivalëve të përjetshëm.
Sigurisht kjo situatë është edhe më e ndjeshme për zikaltërit por i kanë marrë parasysh të gjitha dhe tashmë do të tregojnë potencialin në merkato.
Largimi i Ivan Perisic tek Tottenham Hotspuri është një humbje e madhe për skuadrën nga Milano e cila ka deklaruar objektivin vijues.
Sipas deklaratave të Gianluca di Marzios, në ‘’ Giusseppe Meazza ‘’ kanë filluar bisedimet me Henrik Mkhitaryan i cili e përfundon kontratën me Romën në 30 qershor dhe italianët e vlerësojnë shumë kontributin e armenit .
‘’ Verdhekuqtë ‘’ pas suksesit në Uefa Conference League janë fokusuar në qëndrimin e lojtarëve kyçë por fakti se interistët do të luajnë në Champions League mund të rezultojë i mjaftueshëm për tu pjesë e ekipit të Simone Inzaghit.
Por e famshmja italiane ‘ Corriere dello Sport ‘’ tashmë ia ka vënë vulën këtij transferimi për të cilin flitet për një kontratë 2 vjeçare kundrejt 3.5 milionë eurove në sezon për ishi-n e Arsenalit.
Gjatë rrugëtimit të kryeqytetasve deri në finalen e Uefa Conference League , Henrikh Mkhitaryan rezultoi një faktor determinant por duhet theksuar se pjesa më e madhe e suksesit është falë Jose Mourinhos që i njeh kompeticionet europiane si askush tjetër dhe e arriti atë me skuadrën e 6-të gjatë karrierës .
44 sfida , 9 asiste dhe 5 gola gjatë këtij sezoni duke mos e shkëputur vëmëndjen nga eksperienca gjatë viteve me Romën i kanë siguruar një pretendent të fuqishëm ishi-t të Arsenalit i cili mund ti vërë pikën aventurës me këtë ekip dhe të veshë bluzën zikaltër .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
