Milani ka regjistruar fitoren e radhës, teksa së fundmi ka mposhtur Venezian në “San Siro” me rezultatin 2-0.
Kështu kuqezinjtë e Piolit ngjiten në vendin e dytë, në kuotën e 13 pikëve, po aq sa Interi kryesues.
Për sa i përket ndeshjes së sotme, trajneri Pioli e nisi me ndryshime të shumta, duke lënë disa prej titullarëve pushim. Megjithëse rastet nuk munguan, goli në pjesën e parë nuk erdhi. Në të dytën, trajneri i kuqezinjve bëri disa ndryshime, të cilat në fund rezultuan vendimtare.
Ishte Theo Hernandez, i cili pak minuta pasi ishte futur në fushë, dha asist për Diaz, i cili në minutën e 68-të e dërgoi topin në rrjetë.
Theo u bë sërish protagonist në minutën e 82-të, por këtë herë me gol, duke vulosur shifrat në 2-0.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
