Zlatan Ibrahimoviç në prill të këtij viti pësoi një dëmtim të frikshëm në gju në takimin që Manchester United luante kundër Anderlect për “Europa League”. Mjekët duke parë shkallën e dëmtimit nxituan të njoftonin se për të parë suedezin sërish në fushë duhej të prisnin nga 9-12 muaj.
Në fund jo vetëm ata, po as mendja më e çmendur nuk do ta mendonte se 35-vjeçari do të digjte të gjitha etapat e rikuperimit duke njoftuar se në tetor, muajin e ardhshëm, ai mund të fillojë të demostrojë sërish talentin e tij në “Old Traford”.
Sot futbollisti nëpërmjet rrjeteve sociale ka dashur të japë një mesazh të fortë në dukje trajnerit të tij, Jose Mourinho-s”, por në brendësi të gjithë futbolldashësve dhe shokëve të skuadrës te Manchester United.
Ibrahimoviç ka postuar një video ku shihet teksa stërvitet në pistën e vrapit dhe në diçiturë shkruan: “tregoni Mourinho-s që po vij”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
