Tentativa e Real Madridit për të firmosur me qëndërmbrojtësin Antonio Rudiger duket se nuk do të ketë sukses . Gjermani është drejt firmosjes se kontratës së re me Chelsean , skuadër me të cilën i ka dhënë një tjetër impakt karrierës duke fituar Uefa Champions Leaguen .
Në një skuadër të tillë është shumë e vështirë që komponentët përbërës të largohen sepse kanë çdo mundësi për të progresuar në mënyrën e dëshiruar .
28 vjeçari i ka përgënjeshturar zërat për një largim të mundshëm nga ‘’ Stamford Bridge ‘’ , fakt që e ka përforcuar deklarata e gazetarit të mirënjohur Fabrizio Romano . Në lidhje me këtë çështje jetike për mbarëvajtjen e prapavijës së londinezëve në të ardhmen Antonio Rudiger ka deklaruar :
“ Jam shumë i lumtur tek Chelsea dhe besoj se kjo gjë shikohet çdo ditë . Mbi rinovimin duhet të diskutoj me drejtuesit dhe jam i sigurtë se do të arrijmë në një fund të lumtur ‘’ , theksoi Antonio Rudiger .
Me këtë informacion Antonio Rudiger i ka sfumuar krejtësisht zërat për të lënë Chelsean duke i dhënë kështu një sinjal ‘’ Galaktikëve ‘’ se duhet të përqëndrohen tek të tjera alternativa për të riparuar problematikat e hasura gjatë kohëve të fundit .
Duhet theksuar se histori të tilla në të shumtat e rasteve përfundojnë në këtë mënyrë sepse lojtarët që spikasin i qëndrojnë besnikë projektit të skuadrës së tyre i cili i ka dërguar drejt sukseseve .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
