Progresi i bërë me Barcelonën i ka falur shumë kënaqësi mesfushorit Nico për të cilin po përgatitet rinovimi. 20 vjecari ka treguar shumë personalitet në fushën e lojës dhe Xavi Hernandez e ka dhënë konfirmimin për qëndrimin e spanjollit në ‘’ Camp Nou ‘’ .
Produkt i akademisë ‘ La Masia ‘ , evolucioni i tij është i dukshëm dhe gjithçka parashikohet se do të rezultojë sipas planeve të drejtuesve ‘’ Blaugranë ‘’ të cilët vijojnë të japin maksimumin drejt arritjes së objektivave .
Një ndër planet e Joan Laportas me rikthimin në presidencë ishte ruajtja e produktit vendas dhe zhvillimi në të gjitha etapat e tij për ti ofruar një të ardhme të garantuar ‘’ Los Cules ‘’ , dhe Nico e meriton për të gjithë kontributin e dhënë.
Adaptimi i shpejtë në skemat e ish kampionit të botës sigurisht i ka dhënë më shumë kurajo drejt vijimësisë dhe drejtuesve i takon të buzëqeshin sepse kanë vepruar drejt me këtë lojtar nga i cili pritet shumë.
Marrja me shpejtësi e këtij vendimi e ka një shpjegim shumë llogjik që lidhet me blindimin e Nicos në Katalunjë sepse para disa kohësh përflitej se Manchester City po përgatiste një ofertë e cila e ka marrë përgjigjen sepse Barcelonës nuk i lejohen gabimet .
Katalanasit shquhen si fanatikë të çmendur të perlave në përbërje të cilët do të jenë përfaqësuesit e sigurtë në të ardhmen , ekip që po e hedh çdo hap në kohën e duhur dhe me efektivitetin maksimal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
