U luajtën ditën e sotme dy ndeshjet e fundit të Superligës së Kosovës.
Një gol nga Kreshnik Uka në minutën e 94-t, i dha fitoren skuadrës së Drenicës ndaj Uplianës. Me triumfin 1-0 ditën e sotme, Drenica merr kryesimin e renditjes me 10 pikë, ndërsa Ulpiana renditet e fundit me 1 pikë.
Një dramë e vërtetë ka qenë sfida mes Prishtinës dhe Gjilanit. Sfida është mbyllur në barazim 1-1, me të dy golat që u shënuan në fundin e ndeshjes. Filimisht ishin kampionët e Prishtinës që kaluan të parët në avantazh, me Besnik Krasniqin që shënoi nga pika e bardhë e penalltisë në minutën e 84-t, ndërsa Gjilani mbeti me 10 lojtarë pasi Armend Halili u ndëshkua me karton të kuq.
Megjithatë skuadra e Ismet Munishit nuk u dorëzua dhe pavarësisht se ishte me një lojtar më pak, gjeti golin e barazimit në minutën e 96-të me Albert Dabiqaj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
